ხაჭოერბო

დამბალხაჭოს ობი შემოაცალეთ და წვრილად დაჭერით ან გახეხეთ. შემოდგით ტაფა ცეცხლზე და ჩაუშვით ერბო, რომ შეცხელდება ჩაყარეთ დამბალხაჭო და ცეცხლს დაუწიეთ. ხაჭომ დნობა უნდა დაიწყოს, მაგრამ ბოლომდე არ უნდა გადნეს, პატარ-პატარა ნაჭრები უნდა დარჩეს. გადმოდგით ცეცხლიდან და მიირთვით პურთან ერთად. გემრიელია ნიორთან ერთადაც, ფშავში ხილის არაყთან ერთად მიირთმევენ.

ხაჭოერბოს სერვირება ცოტა რთულია, რადგან სწრაფად ცივდება. ამიტომ, ჯობს პირდაპირ ლამაზი რკინის ან თუჯის ქვაბით დადგათ სუფრაზე, თუ ოჯახურ გარემოში ხართ. თუ მაინც ინდივიდუალურად გადაწყვეტთ სერვირებას, ჭურჭელი, რომელშიც აპირებთ მის გადატანას, აუცლებლად წინასწარ შეათბეთ.