ხინკალი

მოხარშულ ცომში გულსართის ბევრნაირი ინტერპრეტაცია არსებობს. ქართველებიც ამ კლუბის წევრები ვართ, კლუბის ისტორია კი ფქვილის გაჩენასთან ერთად იწყება. ქართულ ხინკალს ფესვები მონღოლურ კულტურაში აქვს, მაგრამ არსებობს ჰიპოთეზა, რომ კერძი დამოუკიდებლად წარმოიშვა.

საჭმლის ტიპი

ძირითადი კერძი

უხდება

ბორჯომი არომატით ალუბალი & ბროწეული

რეცეპტის ავტორი

ლუკა ნაჭყებია

ინგრედიენტები

ულუფა :

საქონლის ხორცი

550 გრამი

ღორის ხორცი

150 გრამი

ხახვი

100 გრამი

ძირა

20 გრამი

დაღერღილი წითელი წიწაკა

10 გრამი

უმაღლესი ხარისხის ფქვილი

1 კილოგრამი

საფეხური

გემრიელი ხინკლის მოსამზადებლად ორი რამ არის გასათვალისწინებელი - სწორი ხორცის შერჩევა და სწორი ფქვილის შერჩევა. ხორცი უნდა იყოს 70% ცხიმიანი საქონელი და 30% უცხიმო ღორი. რა თქმა უნდა, ეს კანონი არაა, უბრალოდ მე მგონია, რომ ასე უფრო გემრიელი გამოდის. ამ ყველაფერს ემატება ხორცის წილის 20% ხახვი, ცხარე წიწაკა გემოვნებით. თუ ხორცი არ არის მაღალი ხარისხის, შეგიძლია დაამატოთ ძირა. მწვანილს მე არ ვუკეთებ. ვცდილობ არც ძირა დავამატო, მხოლოდ მარილი და ღერღილი წიწაკა. ყველაზე მნიშვნელოვანი ეტაპი - ფარშის წყლით გაზავებაა. მას იმდენი წყალი უნდა დაამატოთ, რომ კოვზი ცოტათი იძირებოდეს.

საფეხური

რაც შეეება ცომს, იგი უნდა იყოს მკვრივი. აუცილებლად გამოიყენეთ უმაღლესი ხარისხის ფქვილი. პროპორცია დაახლოებით 1 კგ. ფქვილზე 250-300 მლ. წყალია. ცომი მოზილეთ ისე, რომ გახდეს ერთგავაროვანი და შემდეგ დაასვენეთ 10 წუთით. დარბილებული ცომი ისევ გადაზილეთ და დაასვენეთ კიდევ 5 წუთით.

საფეხური

მიეცით ცომს ძეხვის ფორმა, ჩამოჭერით სასურველი ზომის რკალები და გააბრტყელეთ 1.5-2 მმ.-ის სისქეზე. მოათავსეთ გულში წვნიანი ფარში და მოახვიეთ. სიმართლე გითხრათ, მთავარია არ გასკდეს და ხორცს შიგნით სივრცე ჰქონდეს, ნაკეცების გაკეთებას კი პრაქტიკა უნდა. მოხვეულ ხინკალს მოაჭერით ზედმეტი კუჭი.

საფეხური

სერვირება

მოხარშეთ მდუღარე, მარილიან წყალში. ამოტივტივებული ხინკლები ხარშეთ კიდევ 4-5 წუთის განმავლობაში. შემდეგ, ამოიღეთ ქვაბიდან და ცივი წყლის ქვეშ გაატარეთ, რომ ხინკლები ერთმანეთს არ მიეწებოს და ცომმა ხარშვა არ განაგრძოს.

Comments