კრევეტების სალათი მანგოს სოუსით

ტაფაზე მოასხით ცოტაოდენი ზეთი, საშუალო ცეცხლზე შეწვით ბეკონი ორივე მხრიდან, რათა გახდეს ხრაშუნა. შემდეგ, ამავე ტაფაზე შეგიძლიათ შეწვათ კრევეტები. კრევეტებს დიდი დრო არ სჭირდებათ ოდნავ როგორც კი შეთითლდება გადაბრუნეთ მეორე მხარეს, ბოლოს მოაყარეთ დაღერღილი წიწაკა.

სალათის ფოთლები კარგად გარეცხეთ და გაწურეთ. არ დაჭრათ, უბრალოდ ხელით დაანაწევრეთ დიდი ფოთლები. ავოკადოს ამოუღეთ კურკა, გათალეთ და დაჭერით გრძელ ნაჭრებად, კივიც გაფრცქვენით და დაწერით პატარა ზომის კუბებად, ასევე ანანასის მარინადიც. მოვამზადოთ სოუსი: გათალეთ მანგო, რბილობი ჩაყარეთ ბლენდერში არაჟანთან ერთად, დაუმატეთ ტარხუნა ან პიტნა (ფოთლები მხოლოდ), ზეითუნის ზეთი, მარილი გემოვნებით და 2 კბილი ნიორი.

დიდ თეფშზე მოათავსეთ სალათის ფოთლები, შემდეგ მოაყარეთ სიმინდის მარცვლები, კივი, ანანასი, მოასხით სოუსი, ისევ ფოთლები, ავოკადო, შემწვარი ბეკონი, გოგრის მარცვლები, კრევეტები და ბოლოს პარმეზანი. მიირთვით გემრიელად.