ნიგვზიანი ლობიო

მზა ლობიო გადმოვიღოთ საწურზე. ცოტაოდენი წვენი შევინახოთ, რათა კერძს ბოლოს დავუმატოთ.

გარჩეული ნიგოზი, ნიორი, ყვითელი ყვავილი, მარილი, ქონდარი, დარიჩინი (დამატებითი ინგრედიენტი სურვილის და გემოვნების მიხედვით), ხმელი ქინძი, უცხო სუნელი 2-ჯერ გავატაროთ ხორცსაკეპში (შეიძლება ბლენდერშიც). ნაზავი შევურიოთ მოხარშულ ლობიოს და დავუმატოთ წვრილად დაჭრილი (დაკეპილი) თავიანი ხახვი, ძმარი (ან ბროწეულის წვენი), ქორფა მწვანილი და დავამატოთ ცოტა ლობიოს ნახარში. ფრთხილად ავურიოთ.

გამზადებული ლობიო ფრთხილად გადმოვიღოთ თიხის ქოთანში. გავაფორმოთ ბროწეულის მარცვლებით და ზემოთ ხსენებული ჯონჯოლით. შეგიძლიათ 300 გრამის ოდენობის სიმინდის ფქვილისგან გამოაცხოთ მჭადი და მიირთვათ ლობიოსთან ერთად.