ნუშის ტარტი ფელამუშით

ფელამუში ყველასთვის ცნობილი და საყვარელი ტკბილეულია, მაგრამ ამ სახით ფელამუშის გამოყენება სიახლეა. წარმოგიდგენთ ნუშის ტარტს ფელამუშით.

საჭმლის ტიპი

დესერტი

უხდება

მსხლის ლიმონათი

ინგრედიენტები

ულუფა :

ნიგოზი

100 გრამი

ყურძენი

100 გრამი

ფსტა

100 გრამი

ჩურჩხელა

მიხაკი

მუსკატის კაკალი

ვანილის ჩხირი

დარიჩინის ჩხირი

ფორთოხალი

შაქარი

300 გრამი

კვერცხი

ნუში დაფქვილი

30 გრამი

მარილი

3 გრამი

შაქრის პუდრა

95 გრამი

კარაქი

150 გრამი

ფქვილი

450 გრამი

ბადაგი შავი

1 ლიტრი

საფეხური

ავურიოთ ფქვილი 500 მლ. ყურძნის წვენში. წვენის მეორე ნახევარი დავდგათ ცეცხლზე სანელებლებთან და ფორთოხლის ცედრასთან ერთად. წამოვადუღოთ. ამოვიღოთ ცედრა, ვანილის ჩხირი და დანარჩენი სანელებლები. დავუმატოთ ფქვილიანი მასა და ვურიოთ სანამ არ შესქელდება. გადმოვიღოთ ცეცხლიდან და ჩავასხათ სილიკონის ნახევარსფეროს ფორმებში . ფორმებში მოთავსებულ ფელამუშში ღრმად ჩავდოთ 2-3 ცალი ყურძენი. რამდენიმე საათით გავაჩეროთ გასაცივებლად.

საფეხური

ფხვიერი ცომი: 250 გრ ფქვილი 150 გრ. ნაღების კარაქი 95 გრ. შაქრის პუდრა 3 გრ მარილი 30 გრ. დაფქვილი ნუში 60 გრ. კვერცხი ჩვეულებრივად მოვზილოთ ფხვიერი ცომი. დავამატოთ მშრალი ინგრედიენტები, ცივი დაჭრილი კარაქი და დავაქუცმაცოთ კომბაინში, დანით ან ხელით. დავამატოთ კვერცხი და მოვზილოთ ცომი. შემდეგ ცომი გავაბრტყელოთ საცხობი ქაღალდის 2 ფენაში. გავაცივოთ მინიმუმ 1 საათის განმავლობაში.

საფეხური

გავაბრტყელეთ ცომი დაახლოებით 2 მმ.-ის სისქეზე და მოვათავსოთ საცხობ ყალიბში. ღუმელი გავაცხელოთ 150 გრადუსამდე, შევდგათ ტარტის ცომი და ნახევრად გამოვაცხოთ.

სერვირება

როდესაც ტარტი და ფელამუში გაცივდება და გამაგრდება, ფელამუშის ნახევარსფეროები გადმოვიღოთ ტარტის რგოლებზე. ფელამუშს გადავუსვათ ნეიტრალური გლაზური და მოვაყაროთ ნიგოზი. გავაფორმოთ ჩურჩხელებით ან სურვილისამებრ.

Comments