ორაგული ღვინის სოუსით

ორაგულის სტეიკი გავასუფთაოთ ფხებისგან, ორივე მხრიდან მოვაყაროთ მარილი, პილპილი და როზმარინი. გავაცხელოთ ტაფა საშუალო ცეცხლზე, დავასხათ ზეთი, დავდოთ ორაგული კანის მხრიდან 2 წუთით, შემდეგ ამოვაბრუნოთ და ისევ 2 წუთით გადმოვიღოთ ხელსახოცდაფენილ თეფშზე, რათა ზედმეტი ცხიმისგან გათავისუფლდეს.

პატარა ქვაბში ჩავასხათ ღვინის ნახევარი. დავამატოთ დარჩენილი როზმარინი და დავდგათ დაბალ ცეცხლზე, მეორე ნახევარში გავხსნათ სახამებელი და ნელ-ნელა დავუმატოთ ქვაბში როზმარინიან ღვინოს და ვურიოთ, სოუსი ნელ-ნელა შესქელდება, ადუღების შემდეგ 2 წუთში გადმოვდგათ ცეცხლიდან და გადავწუროთ საწურზე. ვაცადოთ გაგრილება.

სუფრასთან მივიტანოთ თბილ მდგომარეობაში, ორაგულს მოვასხათ ლიმონის წვენი.