საფერავში შემწვარი მწყერი

მოვამზადოთ ოხრახუშის სოუსი: მოვათავსოთ სანაყში ოხრახუში, ერთი კბილი ნიორი, ნიგოზი, მიწის თხილი და გახეხილი კალტი. კარგად დავნაყოთ და დავუმატოთ მარილი გემოვნებით. გადავიტანოთ ცალკე ჯამში, მოვასხათ ზეითუნის ზეთი და ლიმონის წვენი. მოვხარშოთ კვერცხი. მოვაცალოთ ცილა და დავტოვოთ მხოლოდ გული.

გავახუროთ ტაფა, მოვაყაროთ მარილი, მოვასხათ ზეითუნის ზეთი, მოვათავსოთ დაჭყლეტილი ნიორი და დავიწყოთ მწყრის შეწვა. პერიოდულად ვამატოთ ღვინო. როდესაც ალკოჰოლი აორთქლდება, წავუსვათ კარაქი, დავახუროთ თავსახური და გავაჩეროთ ცეცხლზე კიდევ 5 წუთი.

ცალკე ტაფაზე მოვშუშოთ მთლიანი სოკოები და ერთი კბილი ნიორი.

მოათავსეთ თეფშზე ჯერ სოუსი, შემდგომ კი მწყერი. გვერდით დაუდეთ სოკოს გარნირი. გასაფორმებლად გამოიყენეთ წითელი მოცხარი და თხლად დაჭრილი ბოლოკი.